Гостивар
Одржувачите на зеленилото во Гостивар со полни раце работа
Се засилуваат активностите за пролетно уредување на зеленилото на јавните површини во Гостивар. Деновиве работниците од Јавното претпријатие „Паркинзи и зеленило“ го користат секој момент со добри временски услови за косење на тревата и други хортикултурни активности, со концентрација на големиот градски парк.
„Периодов ги интензивираме работите за косење на тревата која е обрасната доста, имаше дождови, такво беше времето. Тековното уредување секако се прави, да се разубави градот во време кога граѓаните повеќе време поминуваат надвор. На тоа ќе се фокусираме во следните недела-две.“, рече директорот на претпријатието, Џелал Луши.
Претпријатието имал 52 вработени поделени во сектори, од кои 18 се ангажирани во секторот за одржување на зеленилото, што според оценката на првиот човек се доволно да се извршуваат работите.
Од претпријатието апелираат да се чува и да не се уништува зеленилото и урбаната опрема.
„Најомилено место за шетање и релаксација во градот е градскиот парк. Нешто што Гостивар го има, а многу други градови го немаат. Апел до граѓаните е да го чуваат како нешто свое, да не ја уништуваат урбаната опрема, се‘ што е тука поставено, да не фрлаат отпад каде не треба…“, апелира Луши.
Гостиварското претпријатие за паркинг и зеленило е надлежно за уредување и одржување на вкупна зелена површина од околу 700 илјади метри квадратни, од кои 390 во Гостивар и 310 низ околните села.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk