Како и секој петок се обидуваме да ви го олесниме одговорот на прашањето „Што да гледате на Нетфликс и Ејџ-би-о овој викенд?“.

Викендите се секогаш резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои со сигурност нема да ве остават рамнодушни.

„Johnny“ – филм на Нетфликс

Откако судот го испраќа да работи во хоспис центар, поранешен криминалец се спријателува со сочувствителен свештеник кој му го менува животот.

Жанр: биографија / „IMDB“ оценка: 6.8 / „Rotten Tomatoes“ рејтинг: /

„The Night Agent“ – серија на Нетфликс

Додека ја надгледува линијата за итни случаи, агент на ФБИ одговара на повик што го втурнува во смртоносен заговор…

Жанр: драма / „IMDB“ оценка: 7.4 / „Rotten Tomatoes“ рејтинг: 75%

„The Little Things“ – филм на Ејџ-би-о

Заменик шерифот на округот Керн, Џо „Дик“ Дикон е пратен во Лос Анџелес за она што треба да биде брза задача за собирање докази. Наместо тоа, тој е вплеткан во потрага по сериски убиец кој го тероризира градот.

Жанр: трилер / „IMDB“ оценка: 6.3 / „Rotten Tomatoes“ рејтинг: 44%

„Succession“ – серија на Ејџ-би-о

Логан Рој и неговите четири деца контролираат еден од најголемите медиумски конгломерати на светот. „Следоред“ го прикажува семејството Рој додека ја планираат својата иднина откако таткото ќе се повлече од компанијата.

Жанр: црна комедија / „IMDB“ оценка: 8.8 / „Rotten Tomatoes“ рејтинг: 95%