Коалицијата „Вреди“ од албанскиот опозициски политички блок, во која се партиите „БЕСА“, „Алтернатива“, Демократско движење“, крилото на Таравари и претставникот на косовското движење „Самоопределување“ ја почнаа кампањата за парламентарните избори од Скопје, од плоштадот Скендербег.
Пред седиштето говореа претседателите на партиите кои се носители на избирачките листи, а во своите обраќања најавија и дел од мерките во нивната програма.
Државните компании и јавните претпријатија ќе се вратат во рацете на граѓаните кои ше станат сопственици на 49 отсто од акциите со што ќе се подигне и стандардот на населението и економијата.
Гасење на индустријата за игри на среќа како и забрана за брзи кредити е исто така дел од програмата на Коалицијата „Вреди“
Поголеми овластувања и моќ на локалната власт е една од клучните мерки во предизборната програма.
Лидерите на коалициските партии повикаа на што поголем одзив и поддршка на кандидатот за претседател Таравари во првиот круг избори на 24 април.
Огнен Чанчаревиќ