Намирници за детоксикација на нашиот организам

Современиот начин на исхрана и храната што ја јадеме е полна со тешки метали, пестициди, конзерванси и адитиви. Но постои храна која може да ни помогне да го исчистиме нашето тело на едноставен начин, а тоа е :

Лимон – Лимонот е одличен детоксикатор. Ако не сакате да пиете чаши вода со лимон, користете го што почесто во кујната. Лимонот одлично ја заменува солта и во комбинација со некои зачини му дава одличен вкус на месото. Постојат многу причини да користите лимон и лимета во вашата секојдневна исхрана, бидејќи нивното детоксикативно дејство е огромно благодарение на високата содржина на минерали и витамини. Лимонот го поддржува варењето и го намалува задржувањето на водата во телото, го стимулира црниот дроб поефикасно да ги исфрла хемикалиите, ја разградува слузта и затоа е многу ефикасен за слузта во респираторниот тракт. Има антиинфламаторно дејство и благодарение на високата концентрација на витамин Ц е силен антиоксиданс. Го поттикнува создавањето на колаген и на тој начин го поддржува побрзото зараснување на раните и од истата причина делува на изгледот на кожата.

Брокулата, карфиолот и кељот се од исто семејство. Оваа група на зимски зеленчуци е многу силна. Поддржува комплициран хемиски процес во телото кој е неопходен за добра општа состојба на телото. Тие содржат висока концентрација на глукозиноли, кои го стимулираат телото да произведува протеин кој деактивира одредени супстанции кои предизвикуваат рак. Благодарение на високата содржина на витамин Ц, тие се моќни антиоксиданси, содржат бета-каротен, кој во нашиот организам се претвора во витамин А, кој е неопходен за здравјето на нашите очи, за здрава кожа и, воопшто, за целиот имунитет.

Кромид и лук – Од исто семејство потекнуваат и кромидот и лукот. Некои ги сакаат, некои не ги поднесуваат, но сè на сè, тие се неопходни во секој начин на исхрана. Тие содржат сулфур, кој е многу важен за црниот дроб и му помага да го ослободи телото од токсините. Кверцетинот е важно да се спомене бидејќи е забележано дека ефикасно го намалува нивото на холестерол во крвта, се бори против бактериите и алергиите, го спречува создавањето на згрутчување на крвта во крвните садови и ја намалува можноста за рак на желудникот.

Црвен лут пипер – Црвениот пипер е достапен во текот на целата година и е одличен за зачинување на многу јадења на кои им дава посебен вкус. Ги смирува металоидите, ги намалува симптомите на настинка и грип, делува против габи, против воспаленија, влијае на телото да лачи ендорфин, кои се природни телесни хормони одговорни за доброто расположение и учествуваат во намалувањето на болката, делува против алергии, а најмногу од се одлично стимулира циркулацијата предизвикува потење, го зголемува пулсот и го стимулира варењето, сите процеси неопходни за детоксикација.

Цвекло – кога ќе го спомнеме цвеклото, неговото дејство против анемија веднаш ни паѓа на памет, но цвеклото освен што содржи големи количества железо, важи и за супер храна бидејќи содржи многу вредни состојки во огромни количини кои имаат извонредни ефекти во детоксикација на организмот. Свежото цвекло ги чисти црниот дроб, слезината, жолчното кесе, содржината на магнезиум е многу висока, ја чисти крвта и го раствора калциумот, кој лесно се таложи во крвните садови. Без разлика дали е варено или сирово, го зајакнува имунитетот, и е многу важен антиоксиданс кој го забрзува метаболизмот.

Леќа – Леќата е многу лесна за употреба и може да се додаде во голем број јадења, не само за да му даде посебен вкус на јадењето, туку и поради сите добри својства што ги содржи леќата. Леќата е полна со витамини, минерали, влакна, фолна киселина и е одличен извор на протеини. Одлична е за цревата, добра е за срцето и мозокот, добра за крвта, добра за телото воопшто. Користете ја што е можно почесто ако вашата цел е да живеете долго.

Има безброј други неверојатно моќни намирници како што се јаболка, бадеми, авокадо, артичоки, но овие се само неколку. Не заборавајте да додадете и многу зачини во вашите јадења, како оригано, ким, мајчина душица, босилек, бибер.