По жестоките реакции на јавноста власта се загуби и не знае како да го покрие овој скандал па гледаме фарса и театрални потези. Во стилот ’не е знајала’ Силљановска прво се обиде да ја префрли вината на Комисијата. Откако тоа не помина власта го уапси Акиф Равмановски обидувајќи се да го покрие скандалот со помилувањата и да ја намали штетата од катастрофалната одлука, велат од СДСМ
Комичните изјави на Христијан Мицкоски во стилот „јас не сум од тука“ се показател дека власта е фатена жива како помилува нарко босови и не знае како да се извади за огромниот скандал, реагираат од опозицискиот СДСМ.
Во реакцијата посочуваат дека одлуката за помилување криминалци и наркобосови од кланот „Барон“ е донесена и потпишана лично од претседателката Сиљановска-Давкова, на предлог на Комисија којашто самата си ја избрала.
„По жестоките реакции на јавноста власта се загуби и не знае како да го покрие овој скандал па гледаме фарса и театрални потези. Во стилот ’не е знајала’ Силљановска прво се обиде да ја префрли вината на Комисијата. Откако тоа не помина власта го уапси Акиф Равмановски обидувајќи се да го покрие скандалот со помилувањата и да ја намали штетата од катастрофалната одлука. Фарсата кулминираше денеска со комични изјави на Мицкоски за кукавичко јајце“.
велат од СДСМ.
Од опозициската партија порачуваат и дека јасно е оти ВМРО-ДПМНЕ-ЗНАМ и ВЛЕН се во „дил“ со криминални структури.
„Наместо да се прави дека не е од тука, Мицкоски да одговори дали тој го нарача помилувањето? Кој ќе понесе одговорност за овој скандал?“
додаваат од СДСМ.
Премиерот Мицкоски претходно ја обвини претходната владејачка гарнитура за случајот со Акиф Равманоски, еден од осудениците кои пред три дена беше помилуван од претседателката Гордана Сиљановска-Давкова, а потоа повторно приведен за друго дело. Според Мицкоски, претходната Влада го „темпирала“ времето за овој случај кој предизвика негодувања и реакции во јавноста.
„Тој случај е од минатото, од претходната Влада, снесен како кукавичко јајце, коешто треба да имплодира во овој период. Тоа што имаше да каже и Комисијата го слушаме по медиумите, луѓето кои се дел од таа Комисија се присутни на медиумите. Добив информации од МВР дека едно од лицата кои беа предмет на измена на судска одлука е повторно приведено. Добив информација дека има уште неколку дела кои што се поврзани со ова лице. Нема да одам чекор понатаму да коментирам и да прејудицирам судски одлуки. Јас сум човек легалист, верувам во презумпција на невиност, но она кое што го знам е дека истото лице веќе доби 30-дневен притвор. Оставам на правосудните органи понатаму да одлучат како да постапуваат за други случаи каде што постои основано сомнение за сторен криминал“,
рече Мицкоски.