Поранешниот европски ракометен шампион Вардар активно работи на засилувања и градење на тимот за следните сезони, а за таа цел беше потпишан договор со Томче Стојановски, кој е „дете“ на Вардар, а сега се враќа во матичниот клуб.
Стојановски откако ги мина младинските категории под водство на Зоран Петковски и Стојан Петрушевски, тогаш младиот Стојановски стигна и до вториот тим на Вардар.
Но, стигна покана од тимот на Бутел кој тогаш почна да се натпреварува и со овој скопски клуб Стојановски ги постигна најголеми успеси, меѓу кои и играње во европските купови.
Вардар со Стојановски добива засилување во одбраната, но секако и за подолга клупа за нападот. „Црвено-црните“ го задржаа костурот на тимот и со новите засилувања повторно подготвуваат конкурентен тим за домашното првенство и за настапот во европските купови.
Александар Ванев, М-Нет