Талентираниот бразилски напаѓач Ендрик предизвика немири меѓу навивачите на уругвајски Ливерпул по бизарниот начин на прославата на голот во синоќешната победа на неговиот Палмеирас од 0-5 во Монтевидео во рамките на Копа Либертадорес.
17-годишниот бразилски репрезентативец беше стрелец на третиот гол, по што почна да слави имитирајќи го Кинг Конг, што предизвика бес кај домаќините, па дури беше нападнат и од резервистите на Ливерпул.
„Па ти си полош и од Дани Алвеш“ – беа коментарите на домашните, алудирајќи на прославата во минатото на Алвеш јадејќи банана на терен.
Ендрик по мечот и разговорот со домашните фудбалери се извини наведувајќи дека тоа го направил само затоа што навистина ги сака авантуристичките филмови со Кинг Конг.
Another Endrick goal, another iconic celebration, another iconic photo on the way.
The scrap that this celebration created and the way he ran away towards the stands😂
🎥: @DiarioGols pic.twitter.com/4AdzWIh70n
— Ben Mattinson (@Ben_Mattinson_) May 9, 2024
„Тоа е само еден мој гест. Го направив тоа и на последниот меч со Индепендиенте и беше навистина добро примено дури и од нивните навивачи тогаш. Не знам зошто сега мислеа дека е провокација. Успеав малку да разговарам на шпански со играчите на Ливерпул, некои разбраа некои не. Немаше никаква зла намера“ – рече по мечот Ендрик.
Во негова одбрана застана и тренерот Абел Фереира.
„Знам дека сака контроверзи, но Ендрик е само дете со чисто срце. Тоа е начин на кој слави затоа што ги сака филмовите кои сите ги знаат. Не направи ништо лош, тоа е само еден начин на славење“ – истакна Фереира.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
