Ако се погледнат квотите во Sport Life за конечен тип, тогаш лесно ќе се дојде до заклучок дека на сите четири натпревари кои се играат доцна вечерва во НБА-лигата, големи фаворити се домашните тимови.
Бостон селтикс синоќа претрпе пораз од Кливленд и остана втор на Истокот, па веднаш има шанса за рехабилитација, својата 17-та победа на 21-виот меч ќе ја бара против Мајами, кој е на скор 9-9.
Атланта има три победи по ред, а четвртата во низа ќе ја бараат против Њу Орлеанс кој е најслаб тим на Западот со скор 4-17.
Лејкерс гостуваат во нивниот некогашен дом Минеаполис, каде што играа пред преселбата во Лос Анџелес. Шумските волци се фаворити според квотите, иако имаат повеќе порази од победи сезонава, а Езерџиите се на 12-8, па тука не треба да се исклучи победа на гостите за која има одлична квота.
Домашните се фаворити и во битката на Чикаго и Бруклин. Двата тима имаат по два пораза на претходните два меча и бараат излез од мини-кризата. Нетс не е лош гостин, има три победи по ред на гости, а славеше и на последното гостување во „градот на ветерот“ против Биковите.
