Полицијата извести дека 68-годишен велосипедист од Скопје починал по сообраќајна несреќа кога бил удрен од товарно возило -комбе. Несреќата се случила на празникот Рамазан Бајрам на Пластичарската улица односно на булевар Никола Карев.
Полицијата ги соопшти деталите за несреќата во дневниот билтен:
На 10.04.2024 во 11.10 часот во СВР Скопје било пријавено дека на бул.„Никола Карев“ во Скопје, товарно возило „мерцедес атего“ со скопски регистарски ознаки, управувано од М.Н.(41) од Скопје, удрило во велосипед управуван од А.Т.(68) од Скопје.
На местото на несреќата од здобиените повреди починал А.Т., а смрт констатирал лекар од Итна медицинска помош. Возачот на товарното возило бил лишен од слобода и задржан во полициска станица за понатамошна постапка.
Извршен бил увид од увидна екипа од СВР Скопје и јавен обвинител, по чија наредба телото на починатиот било дадено на обдукција.