Фудбалерите на Реал Мадрид синоќа славеа со 3:2 во третото Ел Класико сезонава и ставија печат на новата титула во Ла Лига, а навивачите на Кралевите по натреварот имаа порака за тренерот на Барселона, Чави Ернандес.
Реал Мадрид во дербито на „Сантијаго Бернабеу“ двапати се враќаше од негатива, за Џуд Белингам во судиското продолжение да постигне гол за победа, а по мечот навивачите на Кралевите пред стадионот му скандираа на тренерот на Барселона, Чави Ернандес: Чави остани.
🗣️ 🔊 Los aficionados del Real Madrid cantan "¡𝗫𝗔𝗩𝗜 𝗤𝗨𝗘́𝗗𝗔𝗧𝗘, 𝗫𝗔𝗩𝗜 𝗤𝗨𝗘́𝗗𝗔𝗧𝗘!" a la salida del Santiago Bernabéu
🎯 El Real Madrid se ha llevado #ElClásico con un gol de Bellingham en el 91'
📹 @hectorglez29 pic.twitter.com/2f43GmmKJ2
— Carrusel Deportivo (@carrusel) April 21, 2024
Чави, кој има договор со Барселона до 2025 година, пред неколку месеци објави дека на крајот од сезоната ќе си замине од каталонскиот тим, но фановите на Реал сакаат тој да остане бидејќи Кралевите сезонава ги добија сите три меча.
Реал славеше во Ла Лига со 1:2 на „Монжуик“ и синоќа со 3:2 на „Сантијаго Бернабеу“, а најубедливата победа ја оствари во финалето на шпанскиот Супер куп (4:1) кој се играше во Саудиска Арабија.
