Некогашниот фудбалер на Реал Мадрид Оскар Минамбрес не успеа да обезбеди животна егзистенција, иако неколку години ги помина играјќи за Кралскиот клуб. Некогашната голема надеж на Реал, сега е 43-годишен продавч на цигари, работа преку која обезбедува егзистенција за да го прехрани семејството.
„Морам да се грижам за своето семејство, тоа ми е најважно. Никогаш не сум бил пушач, не ја сакам работата која ја работам, но што е тука е. Не ми се исполни животниот сон, но животот не е само фудбалот. Жал ми е што кариерата ја завршив прерано, затоа што имав чувство дека можам уште долго да играм“, рече Минамбрес.
Кариерата ја започна во младинската школа на Реал, а играше во ерата на Галактичарите Роналдо, Зинедин Зидан, Луис Фиго, Дејвид Бекам и Роберто Карлос. Со Реал имаше петогдишен договор, немаше значителна кариера, но сепак може да се пофали дека бил дел од екипата која има титули во шпанското првенство, Лигата на шампиони и Интерконтиненталниот куп.
За Реал одигра вкупно 37 меча, а по завршувањето на договорот во 2007 година, потпиша за второлигашот Херкулес. Сепак, веднаш беше потврдено дека не е закрепнат по повредата на коленото и договорот му беше раскинат, а непосредно потоа, реши да стави крај на кариерата. Имаше и 11 меча за младата репрезентација на Шпанија.
