Панел дискусија посветена на говорот на омраза врз жените во политиката

Во организација на Прогрес Институтот за социјална демократија денеска во Скопје ќе се одржи панел дискусија посветена на говорот на омраза врз жените во политиката, како и на достигнувањата на жените во борбата за еднаквост.

Настанот ќе го отвори извршниот директор на Прогрес Институт Сашо Додовски, а дискусијата, како што е најавено, ќе ја водат министерката за култура Бисера Костадиновска – Стојчевска, поранешната министерка за одбрана Радмила Шекеринска и пратеничката во Собранието Санела Шкријељ.

-Во месецот на жената, организираме панел дискусија на која ќе дадеме акцент на говорот на омраза врз жените во политиката, а воедно и да дадеме признание на сите достигнувања на жените во борбата за еднаквост, како и да ги посочиме сите останати предизвици со кои мора да се соочиме заедно во иднина, наведуваат од Прогрес Институтот.

вг/мд/Фото: МИА Архива    .

Извор: МИА