Дозволена e екстрадиција на Љупчо Палевски од Турција, соопшти Лога

Според Лога, позитивниот исход на постапката произлегува после сите максимално преземени мерки и активности од делокругот на надлежности на Министерството за правда

Министерот за правда Кренар Лога денеска потврди дека е дозволена екстрадиција од Турција на Љупчо Палевски-Палчо, кој беше уапсен на 5 декември во турскиот град Баликесир, а е првоосомничен за двојното убиство на малолетната Вања Ѓорчевска и велешанецот Панче Жежовски

Информацијата министерот Лога ја сподели на својот официјален фејсбук-профил.

„Ве информирам дека денес со официјална информација од Република Турција добивме одобрение за екстрадиција на лицето Љупчо Палевски. Позитивниот исход на постапката произлегува после сите максимално преземени мерки и активности од делокругот на надлежности на Министерството за правда“,

пишува Лога.

Неколку дена по неговото апсење во Баликесир, на Палевски му беше определен екстрадициски притвор од 40 дена.

Палевски доби 40 дена екстрадициски притвор во Турција

Министерот за правда Кренар Лога тогаш рече дека очекува за релативно кратко време да добијат позитивен одговор за екстрадиција на Палевски.

Покрај Палевски, за случајот осомничени се и Велибор Манев, Влатко Кешишов и Боре Видевски, кои се товарат за по две кривични дела – убиство и грабнување.

Во случајот осомничено е уште едно лице, Стефан Димовски, кој се товари за кривичното дело помагање сторител по извршено кривично дело бидејќи го возел Палевски од Србија, преку Бугарија до Турција. Нему на 12 март му беше укинат притворот бидејќи, како што образложија тогаш од Обвинителството, поради видот на кривичното дело и предвидената казна, не постои законска можност тој и понатаму да ја издржува оваа мерка за обезбедување присуство.

Во случајот осомничен е и таткото на Вања, Александар Ѓорчевски, кој по неколку месеци поминати во затворот во Шутка од неодамна се наоѓа во куќен притвор откако Врховниот суд му ја уважи жалбата.

Таткото на Вања, Александар Ѓорчевски, излегува од затворот во Шутка и оди во куќен притвор

Малолетната Вања Ѓорчевска, која беше пријавена за исчезната на 27 ноември, беше пронајдена мртва во близина на Скопје на 3 декември, кога во близина на Велес беше пронајден мртов и велешанецот Панче, кој, пак, беше пријавен за исчезнат на 24 ноември.

Поврзани вести:

Вања била грабната од влезот на зградата, со врзани раце и нозе, во вреќа за спиење била ставена во гепек и однесена надвор од Скопје

Кој е Љупчо Палевски – првоосомничениот за двојното убиство

Бубевски: Тројца од петтемина осомничени го признаа делото

Го однел во Белград на преглед, не знаел дека е вмешан во грабнувањето и убиството на Вања, тврди адвокатот на Палевски

Спасовски: Таткото на Вања бил вклучен во нејзиното исчезнување – крајната цел била изнуда на пари од мајката