Легендарниот бразилски стопер Тијаго Силва на крајот на сезоната ќе замине од Челси по четири години поминати на „Стемофорд Бриџ“. Агентите на 39-годишникот веќе се во потрага по неговиот следен ангажман, а како опција се јавуваат повеќе егзотични дестинации.
Интерес за Силва покажале клубови од Саудиска Арабија, Соединетите американски држави, како и неколку клубови од Јужна Америка, а има и клуб кој ги одбил неговите услуги.
Станува збор за Милан каде и покрај тоа што раководството покажало желба за Бразилецот повторно да го облече дресот на „росонерите“, поготово во ситуацијата кога се очекува Симон Кјаер и Матија Калдара да заминат во следните месеци, можниот трансфер го спречил стручниот консултант Златан Ибрахимовиќ.
Италијанските медиуми откриваат дека причина за ваквиот потег на Швеѓанецот е неговата загриженост за староста на 39-годишниот Силва. Поранешниот напаѓач смета дека тој е престар за да се врати во клубот, што е интересно бидејќи самиот Ибрахимовиќ настапуваше до 41-годишна возраст.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
