Оваа година во големото финале од Купот на Македонија силите ќе ги одмерат дебитанти кои веќе испишаа историја пласирајќи се во големото финале.
Тиквеш преку пенали го исфрли Шкупи и за првпат се најде во големото финале, откако и во Кавадарци мечот во регуларниот дел заврши без погодоци (0:0).
Во пенал серијата за Тиквеш погодија сите пет фудбалери односно Сантос, Стојкоски, Карчески, Нето и Спиркоски, а пак кај Шкупи Пинтер, Гроннер и Дама беа сигурни, додека пак Илиески не реализираше, за вкупни 5:3.
Во вториот полуфинален меч Воска Спорт беше поразена со 1:2 во Ѓорче од Македонија ЃП, но тоа не беше пречака охриѓани да се пласираат во големото финале, откако претходно имаа триумф од 2:0 во Охрид над „лавовите“.
Гостинот од Охрид преку Јахији дојде до водство од 0:1 во 13. минута, а во 25. минута Фазли израмни на 1:1. Во вториот дек Велкоски погоди и ги постави конечните 2:1.
Во големото финале ќе се соочат Тиквеш и Воска Спорт, за нив прво финале од Купот на Македонија.
Александар Ванев, М-Нет