(ВИДЕО) Ковачевски: Владините мерки не се за варење кафе и читање весници во канцеларија
Владините мерки не се за удобство на државна и општинска администрација, не се за за некој да седи по канцеларии, си вари кафиња и си чита весници, овие мерки се за граѓаните, рече премиерот Димитар Ковачевски на денешната прес-конференција во Владата
Притоа, тој се пошегува на своја сметка кога после него како говорник беше најавен министерот за економија, Крешник Бектеши.
Додека премиерот ја напушташе говорницата, а кон неа се упатуваше министерот, Ковачевски рече: „Како беше: Стани Крешник“.
Премиерот го „стана“ Бектеши кога јавноста и социјалните мрежи се преплавени со коментари и шеги откако тој на ист начин досега прозва уште двајца министри во неговата влада.
На партиска трибина на СДСМ, Ковачевски ги повика да станат министерот за транспорт и врски Благоја Бочварски, и министерката за одбрана Славјанка Петровска.