Косовската претседателка Вјоса Османи во четврток (18 април) изјави дека петмина косовски полицајци се држат како „заложници“ во Србија, наведувајќи дека тоа е „шовинистичко злосторство“.
Министерот за внатрешни работи на Косово, Џелал Свечља изјави дека во Рашка, Србија „без никакво објаснување“ се приведени четворица полицајци и заменик директорот на косовската полиција од српската заедница Дејан Јанковиќ.
Тој рече дека овој чин на Србија е преседан „помеѓу многуте акции и напади врз полицијата на Косово“.