Без вода утре ќе бидат корисниците во делови од општините Бутел и Шуто Оризари, а без електрична енергија ќе бидат делови од Аеродром, Кисела Вода и Ѓорче Петров, соопшти РЦУК-Скопје по известување од ЈП Водовод и канализација и ЕВН Македонија АД.
Без вода од 10 часот ќе бидат корисниците во дел од селото Љубанци во општина Бутел. Причина за прекинот на водоснабдувањето е штопирање стара мрежа на улица „7“, бб (до мостот) во селото и ќе трае до санирање на дефектот.
Прекинато водоснабдување од 9 часот ќе имаат и корисниците на улиците „Иљо Војвода“ и дел од „Бутелски Венец“ во општина Шуто Оризари. Причина за прекинот на водоснабдувањето е санирање дефект на улица „Гвадалахара“, бб (кај резервоарот Шуто Оризари) и ќе трае до завршување со санација на дефектот.
Без струја утре од 8 до 15 часот ќе бидат корисниците во дел од улица „Благоја Мучето“ во општина Аеродром, од 08:25 до 15 часот дел од улица „Христо Татарчев“, број 22 во општина Кисела Вода, а од 9 до 14 часот дел од село Волково кај црквата во општина Ѓорче Петров.
