15-годишниот Ислам Халилов спасил повеќе од 100 луѓе за време на масакрот во Москва, така што ги упатил да бегаат преку еден излез за да ги избегнат терористите.
– Дури кога видов луѓе како бегаат од ескалаторот сфатив дека нешто се случува. Тогаш сфатив дека се работи за терористички напад. Извикав: „Пукање, луѓе, сите, трчајте кон скалите“ – раскажа момчето за рускaта телевизија Раша тудеј (РТ).
'Better to sacrifice yourself than let hundreds die'
15-year-old Islam describes how he helped dozens escape Moscow's Crocus City Hall during the terror attack – making sure he didn't leave anyone behind
Follow us on Telegram: https://t.co/gtQwYY5WSl pic.twitter.com/tAzDimg6sU
— RT (@RT_com) March 24, 2024
Тој објаснува дека никого не оставил зад себе, сите ги одвел до излезот.
Тој видел само еден од напаѓачите и го опишал дека имал брада, бил камуфлиран во зелена облека и носел пушка во раката.
Момчето вели дека во критичните моменти му верувал на својот инстинкт и сакал да постапи исправно.
„Подобро да го жртвувам својот живот отколку да загинат сто луѓе“, објаснува Ислам на прашањето дека можел да загине затоа што останал последен.
Во петокот на 22 март во руската престолнина беше извршен страшен терористички напад во кој загинаа најмалку 137 луѓе, а повеќе од 100 беа ранети. Убиени се и три деца. Одговорноста за нападот ја презеде терористичката организација Исламска држава (ИСИС).