Проблемите на тренерот Винсан Компани со повредите на важни фудбалери се зголемија и по вчерашниот дуел со Сент Паули, на кој стратегот на Баерн Минхен остана и без помошта на Хироки Ито.
Јапонецот требаше да биде прва опција на лев бек до крајот на сезонава по повредата на Алфонсо Дејвис, но и овој план на Компани падна во вода откако Ито заработи потешка повреда на мечот со Сент Паули. Станува збор за скршеница на коска во стопалото по што ќе следи пауза од два месеца, што би значело дека оваа сезона е предвреме завршена за дефанзивецот.
Во ситуација кога покрај Дејвис повреден е и Упамекано, како и првиот голман Мануел Нојер, баварскиот гигант ќе биде со крајно лимитирани опции во одбранбената линија во клучниот дел од сезоната. Ким, кој игра во променлива форма ќе биде сигуренн стартер заедно со Ерик Дајер како единствени здрави централни дефанзивци од првиот тим на Баерн, а на лев бек ќе биде прекомандуван Гереиро кого Компани многу почесто го користеше во средниот ред.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
