Скопје, 28 март 2025 (МИА) - Министерот за здравство Арбен Таравари во текот на денешниот ден одржал средба со репрезентативни синдикати за здравство. На средбата се решило повеќегодишното барање на синдикатите за урамнотежување на коефициентот за исплата на плати, информираат попладнево од Министерството за здравство.

Според министерот, континуиран раст на платите и подобрување на статусот на здравствените работници, било повод за денешната средба со репрезентативните синдикати, каде се афирмирала одличната заедничка соработка.

- Дијалогот вроди со плод и конечно после 10 години изнајдовме решение - коефициентот за исплата на плати ќе биде урамнотежен согласно нивните барања и во рамки на можностите. Со ова решаваме повеќегодишно барање на синдикатите за што досега не беше изнајдено решение, се наведува во писмената изјава на Таравари. бд/дма/

Фото: Министерство за здравство