Работничките права се постулат на социјалдемократијата. Денеска во Крива Паланка кандидатот за пратеник и коносител во ИЕ3 Љупчо Николовски посети неколку конфекциски фирми, кои директно работат за земји членки во НАТО. Факт е дека после интеграцијата на Македонија во НАТО се отвори поголем пазар за извоз на македонското производство.
– Домашните претпријатија ги поддржавме со 100 милиони евра, во следниот период ќе ја дуплираме поддршката. 180 милиони евра директна финансиска поддршка за домашните компании за инвестиции во производството и поттик на економскиот раст со 3.5 милијарди евра јавни капитални инвестиции. Посветено работејќи изминативе години успеавме невработеноста да ја намалиме на 12,6%. Сега даваме збор дека првпат во историјата на државата ќе имаме едноцифрена невработеност од 7%, до крај на мандатот. Покажавме дека можеме, и знаме како овој даден збор да го направиме реалност. Нема откажување од силна економија, посочи Николовски.