Морничава приказна за семејството кое исчезна во една вечер во Франција

Од:

Во првата сезона на документарниот серијал на Нетфликс „Нерешени мистерии“, епизодата „Куќа на теророт“ се занимава со една од најбизарните мистерии што се случиле во Франција.

Страшниот случај со масовното убиство на семејството Дупон де Лигонес во 2011 година во францускиот град Нант ги остави соседите, но и целата земја целосно шокирана.

Во април 2011 година, целото семејство, инаку сакано и високо ценето, исчезна од лицето на земјата. Нивните работи исчезнале од куќата, ролетните од куќата биле затворени едно утро и никогаш повеќе не се отвориле, а брачната двојка Ксавиер и Агнес и нивните деца Артур, Томас, Ен и Беноа не остана ниту трага ниту глас.

Загрижена сосетка која била во контакт со нив откако се вселиле, повикала полиција. Органитее на редот го посетиле семејниот дом пет пати во рок од една недела и не откриле ништо невообичаено. Се чинеше како Дупон доброволно да го напуштиле семејниот дом. Немаше траги од крв, ниту сомнителни докази. Се додека на адресите на членовите на семејството и семејните пријатели не се појавија идентични писма со многу сомнителна приказна.

Отец Ксавиер им испратил на сите неколку страници инструкции и во писмото тврдел дека тој всушност бил таен агент кој работел за американската тајна служба во случаите на спроведување на дрога и дека тој и неговото семејство морале да се приклучат на програмата за заштита на сведоци. Пријателите кои ги познавале Дупон се сомневале во приказната и повторно повикале полиција да ја провери куќата.

За време на шестата и клучна посета, еден од полицајците ги пронашол телата на мајката и четирите деца закопани под терасата, каде што биле садовите за кучиња. Мајката и трите деца биле закопани на едно место, додека најстариот биолошки син на Дупон, Томас, бил погребан на друго место. Единствено што недостасуваше беше таткото.

Истрагата покажала дека мајката Ањеш, Артур, Ана и Беона биле убиени во периодот од 3 до 5 април 2011 година и дека Ксавиер, главниот осомничен, останал во куќата уште една недела по убиството.

Ден-два по убиството на членовите на семејството, тој го повикал синот Томас, кој бил на факултет, веднаш да си дојде дома. Го излажал дека мајка му е во болница. Полицијата и луѓето блиски до случајот веруваат дека Томас поминал ден или два во куќата со својот татко пред Ксавиер да го убие и него, а потоа да го закопа одвоено од остатокот од семејството.

Француските медиуми тогаш објавија дека таткото и синот биле видени на заедничка вечера на 4 април. По убиствата кои злобно ги прикриваше и писмата со неговата фантазија дека е таен агент, Ксавиер „си купи време“ и го напушти градот за никој да не се посомнева што направил. Последен пат беше виден во Рокбрун-сур-Аргенс каде што беше снимен на камера како излегува од хотел, ги зема работите од својот автомобил и оди кон планините.

Според снимката од безбедносните камери, се чини дека Ксавиер сакал полицијата да го уапси, а на снимката од безбедносната камера се гледа како носи пушка со пригушувач со која ги убил сите членови на семејството. Иако полицијата знаела каде се наоѓа и покрај темелната потрага, никогаш не го пронашла. Некои тврдат дека извршил самоубиство и дека неговото патување до Рокбрун-сур-Арген бил еден вид „аџилак“, бидејќи таму одел со семејството на одмор, други тврдат дека сè вешто испланирал и дека и денес некаде се крие.

„Тој би можел да се качи во воз и да побегне во Хрватска за да започне нов живот“, вели еден од пријателите на семејството во документарецот.

Иако никој не знае со сигурност зошто го извршил незамисливото злосторство бидејќи наводно бил грижлив татко и добар сопруг, постои сомневање дека по смртта на неговиот почитуван татко од аристократско семејство (Ксавиер бил гроф) сфатил дека тој бил банкрот и немал пари да го издржува семејството и дека тоа е една од причините да се прекине лозата.

Депото никогаш не беше пронајдено. На крајот од епизодата „Куќа на теророт“, креаторите на документарецот бараат од секој што можеби го видел злобниот гроф да пријави во полиција.

Би можело да ве интересира

ВИДЕО: На Нетфликс стигна „Берлин“, што велат фановите

Катерина Ѓуровски

Најгледан акционен филм на Нетфликс во моментов е „Срце од камен“

Предраг Петровиќ

Клеопатра како црнка предизвика хаос: Повици да се блокира Нетфликс во Египет

Предраг Петровиќ

ВИДЕО: Најпопуларни на Нетфликс: 15 најдобро оценети нови филмови

Предраг Петровиќ

ВИДЕО: Најпопуларна серија на Нетфликс-64 милиони луѓе ја гледаа новата сезона

(ВИДЕО) Објавен трејлерот на филмот за Мерлин Монро: „Нераскажан поглед за нејзиниот живот“

Предраг Петровиќ