ПРЕТСЕДАТЕЛСКИ ИЗБОРИ 2024
Пендаровски: Ни треба сплотеност за влез во Европската Унија, но опозицијата влече назад
Влезот во Европската Унија значи заокружување на стратешките цели, а со минимум слога и од опозицијата, лесно, за четити до пет години ќе станеме членка на ЕУ, рече кандидатот за претседател Стево Пендаровски обраќајќи им се вечерва на прилепчани на плоштадот „Методија Андонов Ченто“.
Перндаровски рече дека со влезот во ЕУ, достапни ќе бидат фондовите и полесно ќе се избориме со „белата чума“ – заминувањето на младите.
-Ако Македонија во догледно време не стане членка на Европската Унија, сами со свој потенцијал не ќе можеме тоа да го спречиме во поголем процент. Затоа, императивно е, на достоинствен начин, како што тоа го направивме во НАТО, да влеземе во ЕУ, а сите предуслови за тоа се тука, пред нас. Не треба ништо да си одземеме од тоа кои сме и што сме. Јазикот и идентитетот ни се гарантирани. Главната задача да ни биде да ја намалиме невработеноста, да ги зголемиме инвестициите, да направиме просечни плати од 1100 евра. Можно е во само еден мандат, ама ако не се глодаме меѓу себе. Ве уверувам дека овој концепт што го зборувам 10-ина години е единствениот и исправен пат за Македонија. За жал, нашиве квазипатриоти од другата страна имаа поинакви планови, де факто, од различни мотиви, се сојузија со Бугарија, рече Пендаровски.
За него единствен страв на овие избори е што опозицијата, наместо заедништво и сплотеност, влече назад.
-Една опасност доаѓа од опозиционата страна и на тоа предупредувам. Говорам за главната опозициска партија која нуди враќање назад. Ниеден договор досега не им чини. И по 23 години сакаат да го менуваат Рамковниот договор. Им пречи името Северна Македонија, а не им пречат функционерските плати што ги земаат, рече Пендаровски.
Веднаш по изборите мора да се решат односите со Бугарија.
-Бугарската политика направи катастрофална грешка со нас, Македонците, и кон Македонија. За жал, нашиве таканаречени домашни патриоти, од свои причини, за да се дограбат до власта, а потоа ќе му ја мислиме, практично се солидаризираа и ги поддржаа напорите на таа наша сосетка која нѐ блокираше. Ние мораме да направиме сѐ, по овие избори тоа да го деблокираме, затоа што не ни се пишува добро ако самите се обидуваме, оваа бела чума, да ја спречиме. Децата овде може да просперираат само ако имаат пристојни услови за достоинствен живот, рече кандидатот за претседател Стево Пендаровски.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот