Светскиот шампион во Формула 1, Макс Верстапен, ќе се сретне со претставниците на Мерцедес за да разговараат за неговиот потенцијален трансфер во тимот. Најамбициозната цел на Тото Волф е да може да го ангажира Макс за сезоната 2025, но можно е тоа да се случи и во 2026 година.
Информациите доаѓаат од опкружувањето на Макс, бидејќи на средбата ќе присуствуваат тој, неговиот татко Јос Верстапен и менаџерот на пилотот Рејмонд Вермеулен, кој веќе доби важна улога оваа година во дискусијата со Кристијан Хорнер, а на одлучувачката средба тoj беше тој што требаше да ги пренесе барањата на Макс за да остане во тимот.
Се смета дека Волф е подготвен да му понуди на Макс 3-годишен договор вреден вкупно 150 милиони евра плус улога како амбасадор на Мерцедес. 7-кратниот светски шампион Луис Хамилтон доби слична понуда од Мерцедес, но без амбасадорската улога и се верува дека тоа е еден од факторите зад неговата одлука да замине на крајот на оваа година и да потпише со Ферари, од каде ќе вози од почеток на сезоната 2025 година.
Макс има договор со Ред Бул до крајот на 2028 година, но тој и тимот веќе потврдија дека во него има клаузули кои овозможуваат негов предвремен раскин, кои не се поврзани само со настапот на тимот на патеката, туку и до присуството на одредени фигури во тимот – како што е докторот Хелмут Марко, чие задржување во тимот Верстапен го посочи како неопходен услов за да остане.