Помфритот е еден од омилените придружни јадења што оди со речиси сите јадења со месо, од плескавици до лебници, а сите ќе се согласиме дека нема ништо полошо од накиснат помфрит. Помфритот мора да биде крцкав, а ако не е, го расипува целото јадење.
Па, како да се погрижите помфритот што го правите дома секој пат да биде неверојатно крцкав и вкусен? Тајната е во еден чекор кој мора да се повтори двапати, иако многумина не го прават тоа.
Најпрво, се разбира, треба да ги излупите и исечете компирите, внимавајќи секое парче да биде со иста дебелина, така што сите помфрит рамномерно се пржат. Потопете ги исечените компири во ладна вода најмалку еден час пред печење, а по можност преку ноќ.
Колку подолго ги потопувате компирите, толку ќе бидат покрцкави бидејќи ќе го изгубат скробот при киснењето. Потоа двапати исплакнете ги компирите со ладна вода и добро исушете ги со чиста кујнска крпа.
Најважно е да ги отстраните скробот и влагата од компирите, а тоа можете да го постигнете со двојно пржење. Загрејте го маслото на 150 степени, додадете малку помфрит и пржете го 5-6 минути. Извадете ги на кујнска салфета, а потоа загрејте го маслото на 200 степени.
Ставете го веќе испржениот помфрит во маслото уште 5 минути и пржете додека не поруменат. Испржените компири извадете ги на кујнска крпа за да се впие вишокот масло, а потоа послужете ги со омилениот сос. Ако ги следите сите овие чекори, вашиот помфрит секој пат ќе биде крцкав и вкусен.