Основниот Кривичен суд потврди дека нема никакви пропусти во работењето на клиничката болница Жан Митрев, соопштија од клиниката, по обвиненијата на Малмед во однос на наводите за прекршоци во работата на клиниката Жан Митрев.
Во пресудата се потенцира дека нема докази за направен прекршок.
Според овој заклучок Основниот Кривичен суд донесе ослободителна пресуда за клиничката болница и за доктор Жан Митрев во предметот со Малмед.
Од клиниката велат дека со оваа ослободителна пресуда се потврди дека клиничката болница Жан Митрев и во најтешките периоди работеше според највисоки здравствени стандарди, транспарентно и во согласност со веќе утврдени и дозволени методи на лечење, кај нас и во светот.