Спорт
ЛШ: Барса го чека Наполи, Порто на гости кај Арсенал
Вечерва во Лигата на шампионите на програмата се натпреварите Барселона-Наполи и Арсенал-Порто.
На 21. февруари, во првите натпревари Барселона и Наполи одиграа 1:1, а Порто го победи Арсенал со 1:0.
„Не чека најважниот натпревар во сезоната. Мотивирани сме и возбудени. Се надевам дека нашите навивачи ќе имаат магична ноќ. Имаме шанса да стигнеме до четвртфиналето по четири години. Играме пред нашите навивачи, имаме кадровски проблеми, но тоа не треба да ни дава оправдување“, истакна тренерот на Барселона Чави.
„Наполи е подготвен“, изјави Франческо Калцона.
Фудбалерите на Арсенал и покрај минусот од еден гол се фаворити против Порто.
„Знаеме дека ни претстои долг натпревар. Мора да бидете подготвени за вакви натпревари. Дефинитивно ќе мора да смениме неколку работи за да генерираме многу повеќе отколку што направивме во Порто. Тоа е можност што ја имаме. Пред нашиот народ, на нашиот стадион, тие 90 минути“, истакна тренерот на Арсенал, Микел Артета.
Тренерот на Порто, Серџо Консеисао, истакнува дека неговиот тим не дошол во англиската престолнина со бело знаме.
„Дојдовме во Лондон да играме фудбал, ќе се обидеме да победиме и да се пласираме во четвртфиналето. Го почитуваме, но не се плашиме од Арсенал“, изјави Консеисао.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Халанд и Ортега го доближија Сити до шампионската титула
Фудбалерите на Манчестер сити 90 минути ги делат од одбрана на шампионската титула. Вечерва, во Лондон, Сити го победи Тотенхем со 2:0. Херои на Сити се стрелецот на двата гола Халанд и голманот Ортега кој во вториот дел имаше три брлијинатни интервенции. Сити во пресрет на последното коло има два бода повеќе од Арсенал.
Манчестер сити ги издржа налетите на Тотенхем во последните 30 минути и дојде на чекор до четвртата шампионска титула во низа, подвиг каков што не направил ниту еден тим во Премиер лигата.
По релативно мирното прво полувреме, во кое двата тима имаа по една шанса, во вториот дел играчите првата акција ја крунисаа со гол. Асистенцијата на Де Брујне во 51.минута во гол ја претвори Халанд.
Од тој момент Сити се определи да ја чува предноста, а играчите на Тотенхем редеа напади пред голот на противникот.
Едерсон излезе од игра во 69.минута. Гвардиола оцени дека неговиот фголман не може да продолжи откако Бразилецот доби удар во главата од Ромеро.
Влегувањето на Ортега можеби беше клучниот потег на натпреварот.
Резервниот голман најпрвин два пати му одбрани на Кулижевски во 71. и 79.минута, а во 86.минута ја доби битката и со Сон во ситуација „еден на еден“.
Точка на мечот стави Халанд од пенал во 91.минута.
Во последното коло Манчестер сити ќе го пречека Вест Хем, а Арсенал на домашен терен ќе игра против Евертон.
Спорт
Четири години подоцна „Франс Фудбал“ сака да му ја додели „Златната топка“ на Левандовски
Во 2020 година, магазинот „Франс Фудбал“ ја пропушти можноста да ја додели наградата „Златна топка“ за најдобар фудбалер. Поради пандемијата на коронавирус и се што се случуваше, наградата не беше доделена, но неправдата, пред се, кон Роберт Левандовски може да биде исправена, пренесува „Мундо Депортиво“.
Пред неколку месеци во Франција беше отворена истрага за доделување на „Златната топка“ за 2021 година.
Според тгласините, ПСЖ вршел притисок врз уредниците на „Франс Фудбал“ да му ја доделат наградата на Аргентинецот Лео Меси.
Левандовски заврши на второто место и наградата уште еднаш му побегна.
Но, со оглед на тоа што угледот на магазинот и самата награда се загрозени од истрагата, сега се разгледува можноста за ретроактивно доделување на наградата за 2020 година.
На овој начин би се исправила неправдата кон Левандовски кој блескаше таа година.
Полјакот таа година постигна 55 гола на 47 натпревари.
„Во 2020 и 2021 година ги имав двете најдобри години во кариерата. Неодамна еден пријател ми ја покажа статистиката, на 85 натпревари постигнав 100 голови. Секако дека би сакал еден ден да ја освојам „Златната топка“. Лут сум и тажен што сè уште ја немам, но чувствувам дека можев да ја освојам во една од тие две години да кажам вака, ако ја освојам наградата за 2020 година, четири години подоцна би ми било голема чест и би го прифатил“, изјави Левандовски неодамна во интервју за „Билд“.
Има шанси да се случи такво нешто, но се ќе зависи од одлуката на луѓето од „Франс Фудбал“.
Спорт
Лука Модриќ го напушта Реал Мадрид
Лука Модриќ ќе го напушти Реал Мадрид на крајот од оваа сезона!
Неколку извори од Шпанија денеска открија дека Реал верува дека сега е вистинското време да се збогува со играчот со најмногу трофеи во историјата на клубот.
Модриќ ги испиша најмногу златните страници во историјата на Реал Мадрид, откако пристигна во летото 2012 година од Тотенхем за 40 милиони евра.
Флорентино Перез смета дека е време да се збогува и Реал да се сврти кон помладите играчи. Модриќ има совршена можност да се збогува на најдобар можен начин со освојување на Лигата на шампионите, заедно со Ла Лига.
На 25 мај навивачите на Реал Мадрид и на „кралскиот“ клуб ќе можат величествено да се збогуваат со Лука Модриќ.
Лука Модриќ е најкорисниот играч на Реал Мадрид со 25 освоени трофеи и дефинитивно ќе замине како една од најголемите легенди на „кралскиот“ клуб.