Модерни чевли за пролет: Удобни се, одат со се и ги обожаваат Џеј Ло и Кендал Џенер

Рамните чевли се популарни веќе некое време, а најпопуларен модел оваа пролет се балетанките. Рамни, удобни, во разни бои и модели, можат да се комбинираат на најразлични начини. Веројатно затоа веќе ги обожаваат многу познати дами.

Кендал Џенер неодамна на својот Инстаграм потврди дека балетанките ќе бидат хит оваа пролет. Популарната манекенка објави фотографии на кои позира во едноставно спортско издание, кое го комплетираше со црна чанта и балетанки.

Иако некои жени обично носат балетанки со фармерки или лелеави фустани, Кендал покажа дека тие одат речиси со се. Сепак, таа не е единствената славна личност која ужива да ги носи овие рамни чевли. Ги обожаваат и Џенифер Лопез, Кејти Холмс и бројни други актерки, пејачки и инфлуенсерки.

Ако се суди според трендовите на социјалните мрежи, како и најновите колекции на модни брендови, најпопуларни оваа пролет ќе бидат класичните балетанки со или без машна, како и малку поелегантни плишани модели.