Астон Вила по десет години пауза повторно ќе биде дел од полуфиналето во ФА Купот на Англија откако тимот на Унаи Емери рутински славеше на денешното гостување против Престон со 0-3.
Во главната улога беше Маркус Рашфорд, кој беше творец на победата постигнувајќи ги првите два гола во второто полувреме, откако мрежите мируваа во првите 45 минути. Рашфорд беше критикуван за недоволно залагање додека беше дел од Манчестер јунајтед, но англискиот голгетер јасно покажува дека е во топ-форма додека неговиот доскорешен клуб има огромни проблеми со ефикасноста.
Престон немаше сили за камбек, а Астон Вила знаеше како да ја запечати победата, со голот што го постигна Рамзи од работ на шеснаесетникот во 71. минута.
Кристал Палас и Нотингем вчера осигураа билети за полуфиналето, а последниот патник во оваа рунда ќе биде познат по одигрувањето на натпреварот меѓу Борнмут и Манчестер Сити.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
