Го продолжуваме нашиот проект за подобрување на дигиталниот идентитет на Македонија со помош на вештачката интелигенција. Овој пат го избравме ликот на Ѓорѓи Абаџиев, нашиот великан, писател, историограф, публицист и сценарист.
Тимот Арно.мк (Бранко Прља, уредник и креативен директор, и Владимир Карер, ИТ и маркетинг директор) секој пат се обидува да користи некоја нова апликација за тренирање на ликовите со помош на вештачка интелигенција. Досега ги користеа овие методи:
- АИ моделот според ликот на Горан Стефановски е направен со помош на апликацијата за машинско учење наречена Stable Diffusion;
- Ликот на Петре М. Андреевски е обучен со користење на апликацијата Leonardo.ai;
- За ликот на Тоше Проески е користен Train Engine;
- Додека за визуелизација (ултра резолуција и колоризирање) на одредени личности од нашата историја е користена апликацијата CodeFormer.
Сите овие апликации се бесплатни за користење, а се што ви треба е малку упорност, не мора да сте програмери или технички писмени.
Која АИ апликација ја користевме за ликот на Ѓорѓи Абаџиев
За ликот на Ѓорѓи Абаџиев ја користевме апликацијата Midjourney која е визуелно и технички далеку понапред од сите апликации за генеративна вештачка интелигенција. Единствен недостаток е што се плаќа, но постојат начини да се користи и бесплатно (со ограничен број генерирања).
Сепак Midjourney има еден недостаток, а тоа е неможноста на неа да се тренираат сопствени модели (со слики по ваш избор). Овој недостаток (за прв пат од настанувањето на апликацијата) се надминува со помош на апликацијата Picsi.AI и бот наречен InsightFaceSwap. Се чини комплицирано? Еве го упатството:
Луѓе со склоности кон „его-трип“ можат да ја користат истата апликација за генерирање сопствени портрети. Ние ја користевме за ликот на нашиот великан Ѓорѓи Абаџиев. Почнавме со првата фотка подолу, која ја користевме како референца за InsightFaceSwap, а потоа ги добивме другите резултати.
Она што е недостаток на овој метод е тоа што дозволува аплоадирање на само 1 фотографија, за разлика од другите кои бараат 20-30. Тоа значи дека АИ „не знае“ како ликот би изгледал во други позиции, експресии итн.
Иако реално не очекувавме резултати со само една фотографија, вештачката интелигенција успеа да го инкорпорира ликот во различни позиции и стилови со доста голема точност. Колку за споредба, подолу видете други фотографии на писателот кои воопшто не се користени во тренирањето.
Ова се резултатите:
