Мароко успеа да приреди ново изненадување со победата над Белгија од 2:0 во рамки на групата Ф од СП во Катар, но пред почетокот на средбата се случи најбизарниот момент на Мундијалот.
Првиот голман на Мароко, Боно, се појави на теренот на „Ал Тумама“ стадионот во Доха, ог одработи загревањето и ја испеа химната заедно со своите соиграчи, но потоа го снема.
Натпреварот започна, а во првите моменти никој не забележа дека на голот на Мароко не е Боно, туку Мунир.
Bono sang the national anthem and disappeared. Mysterious Ways #BELMAR #Qatar2022 pic.twitter.com/oq9pQBzRDd
— Football24/7 (@foet247europa) November 27, 2022
Дури и коментаторот на Би-би-си, речиси до половина од првото полувреме не примети дека Боно не е на голот на Мароко.
На полувремето беше откриено дека Боно се пожалил на повреда пред да започне натпреварот по што селекторот Валид Реграгуи, направи замена во последен момент и на гол линијата го стави Мунир.
