Спорт
(Видео) Атлетико преку Интер до четвртфиналето во ЛШ
Јан Облак го однесе Атлетико Мадрид во чевртфиналето во Лигата на шампионите. „Јорганџиите“ го елиминираа Интер на пенали со 3:2, откако натпреварот по 120 минути заврши 2:1.
Јан Облак, во пенал серијата го одбрани ударите на Алексис Санчез и Дејви Класен, додека Лаутаро Мартинез шутираше над голот. За Интер прецизни од белата точка беа Хакан Чалханолгу и Ачерби.
Мемфис Депај, уште еден херој, кој му обезбеди продолженија на Атлетико, Рикелме и Анхел Кореа беа прецизни, додека ударот на Саул го одбрани Јан Зомер.
Атлетико со пласманот во четвртфиналето им овозможи на Шпанците следната сезона да имаат пет претставници во новото издание на Лигата на шампионите.
Головите за Атлетико ги постигнаа Гризман во 35-та и Депај во 87-та, додека единствен стрелец за Интер беше Димарко во 33-та минута од натпреварот.
Фудбалерите на Интер и Атлетико ни приредија одлично фудбалско шоу. На крајот победи екипата која во текот на целиот натпревар играше да победи. Интер го плати цехот на деструктивната тактика на Симоне Инзаги.
Интер се определи да го намали темпото на натпреварот и своите шанси ги бараше преку брзата транзиција. Единствен период во кој Интер доминираше, беа вторите 15 минути од продолженијата.
Ждрепката за четвртфиналето е во петок, а во неа ќе се најдат Реал, Барселона, Атлетико, Манчестер сити, Арсенал, ПСЖ, Баерн Минхен, Борусија Дортмунд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Првиот асистент на Клоп ќе го предводи Салцбург
Тренерот на Ливерпул, Јирген Клоп заедно со своите соработници го напушта клубот. В недела последен пат Клоп со својот стручен штаб ќе ги води „црвените“.
Јирген Клоп по девет години на „Енфилд“ реши да паузаира една сезона. За разлика од него, неговиот прв асистент Пеп Лајндерс веќе знае каде ќе биде наредната сезона.
Лајндерс денеска потпиша тригодишен договор со Ред Бул Салцбург.
41-годишниот Холанѓанецот пристигна во Ливерпул во 2018 година и со клубот ги освои сите можни трофеи.
Лајндерс е четврти тренер на Салцбург за само една година. На крајот од претходниот шампионат клубот се раздели со Матијас Џејсли, диригентската палка ја презеде Герхард Штрубер, но по слабите резултати во првенството (три бода помалку од Штурм) си замина, па сезоната ќе ја заврши Онур Цинел.
Спорт
Еден од клучните играчи го напушта Баер Леверкузен
Шампионот на Германија Баер Леверкузен успеа да го задржи тренерот Чаби Алонсо, вундеркиндот Флоријан Вирц, но по се изгледа ќе остане без еден од клучените играчи.
Десниот бек Џереми Фримпонг има неверојатна сезона. На 44 натпревари постигна 13 гола и забележа 12 асистенции.
Неговата откупна клаузула е 40 милиони евра и тој автоматски ќе биде слободен доколку некој клуб ја активира.
За холандскиот репрезентативец има голем интерес. Прв во редот Манчестер јунајтед, а 40 милиони се подготвени да потрошат и Арсенал, Баерн и ПСЖ.
Спорт
Џирона мора да реши еден проблем доколку сака да игра во ЛШ
Конзорциумот „Сити Фудбал Груп“, кој е сопственик на Манчестер сити, ќе мора да го намали својот удел во шпанскиот прволигаш Џирона со цел каталонскиот клуб следната сезона да се натпреварува во Лигата на шампионите за прв пат во својата историја, објави УЕФА.
Џирона, 47 отсто во сопственост на „Сити Груп“ од 2017 година.
На почетокот на сезоната во Џирона беа убедени дека ги следат правилата на УЕФА бидејќи конзорциумот од Емиратите нема мнозински удел.
Но, според писмото од Телото за финансиска контрола на клубовите (ЦФЦБ) на УЕФА, доволно е субјектот „да поседува 30 проценти или повеќе од капиталот на клубот или правата на глас“, или дури и само 10 проценти ако е негов главен акционер.
За да можат Манчестер Сити и Џирона да се натпреваруваат заедно во Лигата на шампионите, „Сити Груп“ ќе мора да го намали својот удел во каталонскиот клуб до 3 јуни, крајниот рок што го постави УЕФА.
Со цел да се избегне избрзана продажба на акции, што би била и економски неповолна, писмото на ЦФЦБ сепак им нуди на клубовите привремена опција, ограничена на претстојната сезона: трансфер на акции во фонд за доверба без права на инспекција, под контрола на УЕФА.
Минатата година, истото правило за повеќекратна сопственост доведе до три случаи против Тулуз и Милан, Астон Вила и португалскиот клуб Виторија, како и Брајтон (Англија) и Унион Сент Жилоа (Белгија).
УЕФА конечно ги затвори трите досиеја по „значајните промени“ во тие клубови за да го ограничи влијанието на нивните инвеститори.