Каква реторика доминира во досегашната кампања за претседателските избори? Како дискредитацијата стана поважна од програмата на кандидатите. Колку е присутна црната кампања во обраќањата од говорниците на партиските бини.
Вечерва во Топ Тема дебата со комуниколозите Сеад Џигал и Бојан Кордалов.
„На површина има три клучни фази во кампањата до сега, претставување на кандидатите, привлекување на гласачите и критикување на противниците или противкандидатите. Тие многу брзо поминаа и сега се забрзува и критичката опсервација на конкурентот преминува во негативна кампања, а негативната кампања многу лесно се излизнува во црна кампања“, рече Сеад Џигал, комуниколог.
„Кандидатите и кандидатките се бараат, се профилираат се уште и се обидуваат да ја најдат страната која што повеќе ќе предизвика внимание соочени со фактот дека интересот е се помал заради тоа што ветувањата очекувањата се веќе познати и се истите на кои сведочиме наназад многу кампањи. Па во таква ситуација се тестира и се обидува со сите форма, да се биде промотивен кон себе, да се каже кои се квалитетите и в исто време да се биде досетлив како кандидатот или кандидатката од спротивните табори ги имаат своите слаби страни, па некои скриена полунавреда. Па потоа се обидува со директна навреда, се обидува да се исмева, па некоја финта да се продаде. Значи едноставно постојано во кампањите овие десет денови како да филтрираат и да се бараат себе си. Мислам дека има многу начини да се биде посебен, да се биде свој и да се каже она во кое што се верува. Седумтемина кандидати јавноста добро ги знае и нема нешто кое што ќе изненади“, Бојан Кордалов, комуниколог.