Регион
Зачестија ноќни пресметки во Белград – двајца мажи избодени ноќеска, едниот починал
Во Белград синоќа двајца мажи биле избодени со нож на две различни локации со разлика од една минута, јавува Нова.рс.
Првиот човек е избоден со нож во 0:54 часот на Теразије, во близина на хотелот „Москва“. Мажот е тешко повреден и е пренесен во Ургентен центар за реанимација.
Уште еден маж бил избоден минута подоцна, во 0:55 часот на аголот од улиците Добрачина и Дунавска, кој исто така бил пренесен на реанимација, соопштија од итната помош, пренесува Нова.рс. Телеграф јавува дека вториот маж починал и дека има две убодни рани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пронајдени две тела во БиХ: Сопругот ја убил сопругата, а потоа и себеси
Телата на две лица Р.А. (69) и М.А. (61), биле пронајдени во куќа во населбата кај Фоча, а според првичните информации мажот ја убил сопругата, а потоа и себеси, потврдија за Радио Фоча во Полициската управа Фоча.
Телата биле пронајдени вчера околу 17 часот по пријава во полиција.
На местото на настанот излегле службеници од полициската управа Фоча заедно со Итната медицинска помош“, додаваат од полицијата.
Оттаму додаваат дека полициски службеници го пронашле телото на жената М.А. и мажот Р.А. со повреди предизвикани од употреба на огнено оружје.
Обвинителот на Окружното обвинителство Требиње е запознаен со се, а најверојатно се работи за убиство и самоубиство.
Во Клиничката болница Фоча денеска ќе се изврши обдукција на телото на брачните другари
Регион
Сијарто: Време е да се стави крај на демонизацијата на српскиот народ
Време е да се стави крај на демонизацијата на српскиот народ, надворешните интервенции и заканите со санкции, изјави денеска министерот за надворешни работи и трговија на Унгарија, Петер Сијарто.
Тој во објава на Фејсбук му посака добредојде на претседателот на Република Српска Милорад Додик, кој е во официјална посета на Унгарија.
Сијарто напиша дека мирот и стабилноста на Балканот се предуслов за мирот и стабилноста на Европа.
„За жал, во последните неколку недели беа преземени неколку западноевропски одлуки и мерки кои ги зголемуваат тензиите на Западен Балкан и предизвикуваат безбедносни ризици. Време е да се запрат надворешните интервенции, заканите со санкции и демонизацијата на српскиот народ“, изјави Сијарто.
Претседателот на Република Српска, Милорад Додик, претпладнево се сретна и со премиерот на Унгарија, Виктор Орбан.
На средбата со Сијарт беше потпишан меморандум за разбирање во областа на примената на новите технологии во здравството, пренесува Танјуг.
Регион
ОН ќе разговараат за резолуцијата за Сребреница следната недела
На 23 мај, Генералното собрание на Обединетите нации ќе го разгледа предлогот за резолуција што ќе ги потсети жртвите на геноцидот извршен во 1995 година врз Бошњаците во Сребреница, чие усвојување е спонзорирано од група од триесет земји.
Во распоредот на сесијата на Генералното собрание, кој е достапен на веб-страницата на ОН, се наведува дека во четврток следната недела, во рамки на 82-та сесија, е планирана дискусија за документот насловен Меѓународен ден на сеќавање и комеморација на жртвите од геноцидот во Сребреница во 1995 година.
Дебатата е планирана како дел од точката на дневниот ред со наслов „Култура на мирот“.
Формални предлагачи на резолуцијата за геноцидот во Сребреница се Германија и Руанда, а спонзори се триесетина земји. Покрај Македонија, од регионот се Хрватска и Словенија, додека други спонзори се САД, Велика Британија, Франција, Турција, Канада, Шведска, Данска, Албанија, Австрија, Бангладеш, Белгија, Бугарија, Чиле, Естонија, Финска, Ирска, Италија, Јордан, Лихтенштајн, Литванија, Луксембург, Малезија, Холандија, Нов Зеланд, Полска и Вануату.
Најавата за усвојување на резолуцијата предизвика жестоки реакции во Србија и во Република Српска. Тврдат дека тоа е обид да им се наметне колективна вина за воени злосторства, иако во нацрт-документот не се споменува ниту една нација или држава, туку само се наведува потребата од трајно сеќавање на жртвите од геноцидот во Сребреница врз основа на факти содржани во пресудите на меѓународните судови, кои за тоа злосторство осудија поединци.
Доколку резолуцијата биде прифатена, 11 јули ќе биде воспоставен како меѓународен ден за сеќавање на жртвите од геноцидот во Сребреница.