Кирен Вилсон стана светски шампион во снукер пред неколку дена, а по големото достигнување даде интересна изјава во која го „чепна“ и Кристијано Роналдо.
Во финалниот натпревар на Светското првенство во снукер, Вилсон го победи Џејк Џонс со 18:14 во фрејмови и стана нов светски шампион. Овој светскиот шампионат во снукер ќе остане запаметен по неверојатните елиминации на фаворитите, а доволно говори и податокот дека новиот светски шампион како 12-ти светски играч беше најдобропласиран во полуфиналето.
Сонот на 32-годишниот Англичанец така се оствари. Тој и неговото семејство ризикуваа се за да го направат прв на светот, а сонот најпосле стана реалност.
- Сонував за ова од својата шеста година, изјави Вилсон по финалето, а потоа продолжи:
- Токму вака замислував победа, заедно со моето семејство. Бев навистина повреден кога загубив од Рони О’Саливен во финалето во 2020 година и ќе ми се скршеше срцето ако тоа беше мојата единствена шанса за титула.
Потоа проговори за оваа титула.
- Се сеќавам колку бев исцрпен пред четири години по првата фаза, но сега се чувствував сосема добро. Кога го видов Џејк, помислив дека страда и тогаш навистина тргнав во напад. Со водство од 7:0 се погрижив да не ја да загубам етапата со голема разлика и го ставив противникот во тешки моменти, додаде Вилсон.
Диетата и одморот помеѓу натпреварите беа многу важни за Вилсон.
- Важно беше што спиев добро во текот на целиот турнир. Верувам дека можам да бидам повеќекратен светски шампион. Се надевам дека првиот пат беше најтежок.
Можеби со своите резултати можам да ги мотивирам младата генерација и моите деца. Во едно неодамнешно интервју, на прашањето кој е нивниот спортски пример, тие го именуваа Кристијано Роналдо. Се надевам дека сега јас сум пред него, во улога на мотиватор на младите, изјави гордиот Англичанец.
Покрај престижниот трофеј, Вилсон ја зголеми и жиро-сметката за 500.000 фунти, а треба да се додаде дека минатогодишниот светски шампион Лука Бресел го заврши настапот на Светското првенство уште во 1. коло.
