Бројни медиумски екипи од Кина пристигнаа во главниот град на Србија неколку дена пред доаѓањето на кинескиот претседател Си Џинпинг, со цел да ја придружуваат неговата важна посета на Србија и Белград.
Голем број кинески медиумски тимови денеска беа и во Палатата Србија, каде беше приреден свечен пречек на кинескиот претседател, по што следеше средба со српскиот претседател Александар Вучиќ, пленарни средби на двете делегации, како и потпишување и размена на важни договори за Србија и Кина и обраќање до медиумите.
На ковертот во кој бил спакуван подарокот за српските медиуми пишувало: „Пријатели кои доаѓаат од далеку“, со специјално испишан денешниот датум.
Поштенските марки отпечатени за оваа прилика се резултат на соработката меѓу Кинеската медиумска групација и Кинескиот културен центар во Белград. На марките се претставени мотиви на културата Хемуду и Винча, како и брзата пруга меѓу Белград и Будимпешта, која е во изградба, како пример за соработка во рамките на иницијативата „Појас и пат“.
„И Кина и Србија се земји со долга историја и уникатна култура. Овие две земји се вистински пријатели кои поминале низ подеми и падови, споделиле добро и лошо, добри партнери кои работат заедно за развој и просперитет и другари кои се стремат кон правдата и одбраната на она што е исправно. Во јуни 2016 година, кинескиот претседател Си Џинпинг за прв пат ја посети Србија, со што започна сеопфатно стратешко партнерство меѓу Кина и Србија Србија сигурно ќе се зајакне и ќе блесне уште посилно“, се вели на задната страна на каталогот со поштенски марки.
