Страницата „World of statistics“ ги спореди иранските и израелските воени капацитети низ бројки, а изнесе и други интересни податоци за двете земји.
И Израел и Иран се воени суперсили. Иран има 610.000 активни војници од 87,6 милиони жители, додека Израел има 170.000 од околу девет милиони жители.
Израелците, пак, имаат повеќе резервисти – 465.000 во споредба со 350.000 меѓу Иранците. Иран има многу поголеми паравоени сили (220.000) во споредба со Израел (35.000).
Иако Израел има помала војска според овие бројки, неговиот буџет за одбрана изнесува огромни 24,4 милијарди долари. Буџетот на Иран е 9,95 милијарди долари. Надворешниот долг на официјален Техеран е 8 милијарди долари, а на Израел е неверојатни 135 милијарди долари.
Израел има 612 авиони додека Иран 551. Израелците имаат 48 јуришни хеликоптери, а Иран има 13. Што се однесува до тенкови, Иран има 1.996 за разлика од Израел кој има 1.370.
Во самоодната артилерија, Израел е нешто поброен со 650 парчиња во споредба со иранските 580. Иранците имаат и повеќе подморници – 19, додека Израел има пет.