Серијата паметни часовници TAG Heuer Connected Caliber E4 беше претставена минатата година, а компанијата сега додаде уште три члена во семејството.

Како што може да очекувате, часовниците се скапи, а опцијата од 42 мм е „најповолна“ од 2.350 долари. Оваа верзија е помала од оригиналот и има екран од 1,28 инчи со панел без рамка, кој е заштитен со сафирно стаклена купола. Сепак, и понатаму се работи за OLED екран со резолуција од 416 x 416 пиксели.

Куќиштето е изработено од титаниум, има црна боја и всушност е најлесниот часовник од компанијата TAG Heuer.

Моделот Golf Edition (42 mm) го има истото куќиште, но е поскап, цената е 2.500 долари. Доаѓа со три брендирани топчиња за голф и два пара нараквици. Едниот е направен од говедска кожа со зелен конец, додека другиот е всушност бела гумена нараквица.

Часовникот „подржува“ 40.000 терени за голф ширум светот, така што овозможува автоматско следење без рачно внесување. Часовникот може да го следи резултатот, изборот на клубови и локацијата на теренот за голф.

Caliber E4 Sports Edition е најскап од нив и чини 2600 долари, но е и најголем. Големината е 45 mm, има керамичка рамка околу OLED екранот од 1,39 инчи со резолуција од 454 x 454 пиксели, како и перфорирана гумена нараквица погодна за спортисти.

Во однос на софтверот, Sport Edition има функција Trail & Hiking која користи барометар и ги оценува перформансите на еко-корисникот.

Продажбата започнува овој месец со ветување дека тие ќе бидат надградени на Wear OS 3 кога ќе биде достапен.