Манчестер сити и Арсенал до самиот финиш ќе водат битка за титулата во Премиер лигата, еден од главните адути на Граѓаните е дефанзивниот играч за врска Родри. Шпанскиот репрезентативец по неколку основи го има запишано своето име во клупската историја на Манчестер сити.
Тој беше стрелец на единствениот гол во финалето од Лигата на шампионите, кога Сити пред помалку од една година, во финалето со 1:0 го победи Интер. За англискиот тим тоа беше историска прва европска титула, а Родри ќе се памети како стрелец на тој „златен“ погодок.
Освен што беше херој во финалето на ЛШ, Родри има и една неверојатна низа, која ја продолжи по вчерашната победа над Нотингам форест. Кога Родри е на теренот во дресот на Манчестер сити, тимот нема пораз дури 70 меча по ред.
Rodri’s unbeaten run in a Man City shirt extends to 7⃣0⃣ games.
It’s been over 400 days since he last tasted defeat 🤯 pic.twitter.com/BRwMMVxrNk
— Football on TNT Sports (@footballontnt) April 28, 2024
Едноставно, повеќе од 400 дена Родри во дресот на Граѓаните во сите натпреварувања не ја почувствувал тагата по пораз.
Манчестер сити во финишот на оваа сезона има шанса да се радува и на трофејот во ФА купот, каде што ќе игра во финалето против градскиот ривал Манчестер јунајтед.