КК Гостивар денес на гости во Куманово

Во третиот натпревар од 7-то коло во Првата кошаркарска лига на Македонија денес екипата на КК Гостивар ќе гостува во Куманово.

Кумановци веќе втора сезона по ред се меѓу екипите кои се борат во долниот дел на табелата, сезонава успеаа да запишат само една победа и со збир 1-5 го делат последното место на табелата со составите на Струмица и ФМП Академија.

Кошаркарите на Гостивар несомнено вечерва ќе се обидат да ја запишат и 7-та победа сезонава во исто толку натпревари со што ќе го одбранат лидерското место на табелата и продолжат фантастичната победничка серија.

Натпреварите помеѓу овие две екипи секогаш биле неизвесни и возбудливи, што покажува и статистиката. Во последните 16 меѓусебни пресметки КК Гостивар има 8 победи, а КК Куманово 7 победи, еден натпревар (подготвителен) завршен е без победник.

Натпреварот се игра во “Перо Наков” Куманово, со почеток од 19 часот. Во живо, на интернет може да го следите ТУКА.