Само пред 5 години науката, уметноста и креативноста биле на врвот на пирамидата од дејности кои истражувачите на вештачката интелигенција се стремеле да ја надвладеат. Денес веќе не е така.
Макс Тегмарк е шведско-американски физичар, космолог и истражувач од областа на машинско учење. Тој е професор на Технолошкиот институт во Масачусетс и претседател на Институтот за иднината на животот.
Во својата книга „Живот 3.0: да се биде човек во ерата на вештачката интелигенција“ (Life 3.0: Being Human in the Age of Artificial Intelligence) од 2017 година објави илустрација наречена „Пејсаж на човечката компетентност“ (Landscape of Human Competence) од Ханс Моравец.
Ханс Моравец од Институтот за роботика на Универзитетот Карнеги Мелон во Питсбург, САД, е познат по неговото истражување на роботиката, вештачката интелигенција и есеите за влијанието на технологијата. Моравец, исто така, е футурист со многу од неговите публикации и предвидувања кои се фокусираат на трансхуманизмот.
Фасцинантно е тоа што на илустрацијата науката, кинематографијата, уметноста и пишувањето книги се вештини кои се на врвот на пирамидата и се чинат недостижни за „компјутерите“. Денес, само 5 години по таа констатација од врвен истражувач на вештачката интелигенција и футуролог, тоа веќе не е така.
Генеративната вештачка интелигенција е длабоко навлезена во светот на креативноста и науката и се чини дека ќе станува само подобра.