Премиерот Димитар Ковачевски денеска изјави дека се работи на изнаоѓање начин за долгорочна одржливост на македонска Пошта, а за главниот објект во центарот на Скопје, во кој пред неколку години се случи пожар, рече дека презема обврска заедно со ресорните министри, тој да се обнови.

Одговарајќи на пратеничко прашање на Гордана Силјановска Давкова, тој рече дека од 2012 година Пошта создава загуба од околу три милиони евра годишно и работи монополски на пазарот.

-Тоа е неодржлива ситуација. Секоја година Владата одвојува средства од својот буџет. Она што јас сметам дека треба да се направи е комплетна реорганизација на пошта, односно првиот начин е приватизација, а вториот е делумна приватизација со аукција или со избор на стратешки партнер, рече Ковачевски на седницата за пратенички прашања.