Крузерот Norwegian Dawn со околу 2.000 патници е во карантин во близина на брегот на Маурициус бидејќи патниците на бродот имаат дијареја, а се стравува дека се заразени со колера, позната и како „сина смрт“ која во моментот се шири на југот на Африка.
Бродот долг 294 метри, кој плови под знамето на Бахамите, е запрен во близина на Маурициус, а на патниците не им било дозволено да го напуштат пловилото. Имено, властите на островот одбиле да ги примат туристите бидејќи непознат број од нив имаат дијареа, а не е сигурно дали се заразиле со норовирус или колера, пишува Hamburger Abendblatt повикувајќи се на Le Mauricien.
Во моментов е во тек прегледот на болните, а вработените во здравствените служби во Маурициус се качиле на бродот и земале примероци од 15 патници за да ја утврдат причината за болеста.
Колерата е многу заразна, акутна гастроинтестинална инфекција предизвикана од бактеријата колера и може да биде поврзана со тешка дијареа и повраќање и последователна тешка загуба на течности.
Првите резултати од тестот се очекуваат утре, а дотогаш на патниците не им е дозволено да го напуштат бродот.
Колерата е акутна бактериска интестинална инфекција која се пренесува преку нечиста вода за пиење или храна. Болеста лесно се лекува со лекови, но ако не се лекува, може да предизвика откажување на бубрезите и смрт поради значително губење на течности.
