Палестинскиот премиер Мохамед Штаје претпладнево изјави дека неговата влада поднесува оставка. Тоа би можело да отвори врата за реформи на палестинската власт која има поддршка од САД, пренесува Асошиејтед прес.
За (не)прифаќањето на оставката на палестинската влада одлучува претседателот Махмуд Абас. Потегот, секако, е сигнал за подготвеност на палестинското раководство да ги прифати неопходните реформи за ревитализација на палестинската власт.
Соединетите Американски Држави сакаат реформирана палестинска власт која ќе управува со Газа по завршување на војната.