Еден од најновите музички триумфи е во најава! „I Wanted More“ е новиот хит, роден од соработката на две музички енергии што се познати по својата вистинска магија на сцената.
Македонскиот бенд Brass Brothers, чиј репертоар е познат по динамичните и енергични настапи, ја претставува својата нова творба со песната „I Wanted More“, која ја креираше во соработка со MIYATTA, пејачка и кантавторка.
Песната „I Wanted More“ е дел од вториот албум на Brass Brothers, „We Are Energy“. Таа го задржува добро познатиот енергичен музички потпис на бендот, кој дополнет со денс ритамот повторно создава уникатна музичка приказна. Музиката и аранжманот се дело на Горан Мицевски Кус, фронтмен и тромбонист во Brass Brothers, додека текстот е на Наташа Мијат Крстевска. Видеозаписот е во режија на Сара Јазаџиска Бибовска, а директор на фотографија е Борис Ралев.
„I Wanted More“ е веќе достапна за преслушување и купување на сите светски дигитални платформи и музички продавници.
Brass Brothers е македонски музички бенд формиран пред 11 години, составен од професионални и талентирани музичари: Горан Мицевски Кус (тромбон), Костадин Бетов (алт саксофон), Пере Мелов (труба), Илија Мицев (труба), Јован Мартиновски (Dj support) и Никола Митрев (труба).
Brass Brothers се вистински мајстори на сцената, чии настапи се вистинско забавување за сите присутни. Оваа македонска музичка атракција ги освојува срцата на публиката со нивните енергични и динамични изведби. Секој настап на Brass Brothers е вистински спектакл, каде што мелодијата на брас инструментите се спојува со пулсирачкиот ритам, креирајќи една вистинска музичка експлозија. Нивното присуство и перформанс ги прават незаменливи на сцената, а публиката секогаш ја оставаат задоволна и воодушевена. Секој момент на нивните настапи, е незаборавно искуство за секој присутен.
