Басманскиот суд во Москва ја прими жалбата на одбраната за апсењето на Аминчон Исломов, обвинет во кривичната постапка за терористичкиот напад во „Крокус сити хол“, соопшти денеска судот.
Судот доби жалба на одлуката на Исломов од 25 март 2024 година, пренесе Интерфакс.
Според судската евиденција, одбраната на останатите обвинети во случајот со терористичкиот напад се уште не поднела жалба за нивното апсење.
На 25 март, Басманскиот суд во Москва, на барање на истрагата, ги уапси Аминчон и Диловар Исломов, како и Исроил Исломов. Според информациите од судот, обвинетите се меѓусебно поврзани, Аминчон и Диловар Исломов се браќа, имаат исто средно име – Исроилович, односно Исроил Исломов им е татко.
Според судското досие, сите тројца обвинети се обвинети дека како дел од организирана група извршиле терористички напад кој резултирал со смрт.
Според истрагата, обвинетиот Шамсидин Фаридуни го регрутирал Аминчон Исломов во организирана група вклучена во терористички напад најдоцна до јануари 2024 година, а Диловар Исломов најдоцна до 11 март 2024 година.
Според медиумите, Диловар Исломов е поранешен сопственик на автомобилот што го користеле терористите. Аминчон Исломов пред судот изјави дека е невин.
Прес-службата на Кремљ на 23 март попладнето извести дека директорот на руската Федерална служба за безбедност (ФСБ) Александар Бортников го информирал претседателот на Русија Владимир Путин за апсењето на 11 лица, меѓу кои и сите четворица терористи кои биле директно вклучени во терористичката напад.
