Македонија
Николоски до Филипче: Дали агенцијата на Спасов работи на вашиот имиџ а за тоа плаќате по минимум 100 евра и од каде тие пари
„Сериозно навлеговме во кампањата следната среда е првиот круг на претседателски избори, мислам дека на сите им е јасно и мислам дека сите гледаат дека ВМРО-ДПМНЕ убедливо ќе победи, Гордана Силјановска Давкова ќе е нов претседател на Македонија“, истакна Александар Николоски, потпретседател на ВМРО-ДПМНЕ и носител на листа на ИЕ4 од митингот во Валандово.
„Мислам дека она што е клучно за периодот кој што доаѓа е да се обратиме до сите што ги познаваме, да поразговараме и да ги поканиме да излезат на гласање. Исто така сите оние кои што се надвор од Македонија во дијаспората доколку се во можност да дојдат и да гласаат, затоа што секој глас ни е потребен секој човек ни е потребен за победата да биде убедлива и никој да не ја оспорува владата предводена од ВМРО-ДПМНЕ“, нагласи Николоски.
Николоски додаде и дека тажната вистина е дека кога одиме во дијаспората, бевме и во Франција и во Австрија и Швајцарија помеѓу нашите и за жал се повеќе наши луѓе гледаме таму. Луѓе кои што минатата кампања ги гледав овде во Валандово, сега за жал ги видов во дијаспората, тие за жал се иселиле. Тоа е тажната вистина на ова темно владеење на ДУИ и СДСМ овие 7 години. И на тоа мора да ставиме точка, на тоа мора да ставиме крај.
„Затоа што овие избори се пресвртница и од овие избори ќе биде определена иднината на Македонија. Ние сакаме просперитетна и развиена Македонија. Ние сакаме Македонија во која што владее правото, ние сакаме Македонија која што ќе напредува“, истакна Николоски.
Николоски посочи и дека СДСМ веројатно не ни размислуваат за такви работи единствено што размислуваат е како да приграбат нешто за себе. А овие од ДУИ многу добро знаат што сакаат но тоа што го сакаат не е во корист ниту за Македонија ниту на Македонците, тоа е во корист на една мала клика околу врвот на партијата која што мисли само за себе и за оние околу нив. Затоа ни е потребна масовна излезност. Затоа следната среда треба да излезете сите, да ги поканете сите да излезат да гласаат и да ставиме крај тоа да е вовед во големата победа на 8 мај.
„Го гледам Стево Пендаровски на почеток беше нервозен сега покрај нервозен и навредува не знам што ќе се случи до крајот на кампањата. Од СДСМ едниот скоро и да го снема, никој не се сеќава дека беше премиер на Македонија а уште помалку мислам дека луѓето знаат дека е претседател на СДСМ се вика Димитар Ковачевски. Единствено по што ќе биде запаметен е дека заедно со другар му Бујар Османи го потпишаа таканаречениот француски предлог со кој што решија да ја распродаваат македонската историја и култура“, нагласи Николоски.
Тој истакна дека во 4-та изборна единица носител е Венко Филипче.
„Кој што гледам дека освен што злоупотребува пациенти и ја злоупотребува сопствената професија ништо друго и не прави. Но не ми одговори па би сакал да го прашам од тука дали е вистина дека има ангажирано пи ар агенција која што треба да работи на промоција на неговиот имиџ, дали името на таа пи ар агенција е „Рејтинг“ сопственост на Никола Спасов син на поранешниот генерален секретар на СДСМ, Ѓорѓи Спасов и дали таа пи-ар агенција ја плаќа по минимум 100 евра по објавен текст за Венко Филипче. И финалното прашање од каде доаѓаат тие пари, кој ги обезбедува тие пари и како тие пари преку агенцијата Рејтинг стигнуваат до медиумите“, кажа Николоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Приведен бегалец, бил осуден на казна затвор од четири години и девет месеци
Вчера, полициски службеници од Полициската станица Штип го привеле П. И. (29) од с. Црвулево, општина Карбинци.
Тој бил баран по централна потерница врз основа на наредба од Казнено-поправната установа „Затвор Куманово“ поради бегство од затворот, каде што издржувал казна од четири години и девет месеци за сторени кривични дела тешка кражба.
Лицето е спроведено до „Затвор Куманово“ за доиздржување две години и пет месеци од казната.
Македонија
Митровски објави дека адвокат му починал пред очите: „Помодре и не даваше значи за живот, колега почина на работното место“
Адвокатот Јанаки Митровски преку својот фејсбук-профил сподели информација за тоа дека во Граѓанскиот суд, односно на судење, починал негов колега адвокат.
„Бев сведок на исклучително непријатна ситуација. Чекајќи судење на првиот кат во скопскиот Граѓански суд во 9 наутро, одеднаш се слушна силен тресок и колега адвокат падна на земјата пред моите очи. Притрчавме повеќе луѓе, го полија со вода, но колегата помодре на ликот и не даваше значи за живот. Друг колега не можеше да му го најде пулсот. Викнаа брза помош, која, секоја чест, дојде за шест минути, но, за жал, не успеаја да го реанимираат и човекот си почина на работното место. Лесна му земја“, напиша тој на социјалните мрежи.
Алармира дека се работи за исклучително стресна професија, која секојдневно го зема данокот.
„Навистина сакам да алармирам, мимо сите гнусни стереотипи околу адвокатурата, дека се работи за исклучително стресна професија, која секојдневно зема данок. Баталете ги предрасудите дека отвараш канцеларија и пари врнат, реалноста е дијаметрално спротивна и адвокатскиот леб е многу горчлив.
Воедно, сакам и да апелирам до постарите колеги и колешки (починатиот колега имаше 68-70 години), дека нема потреба да се работи до смрт. Лично немам никаква намера да работам адвокатура по моите педесет и две-три години.
Премногу се вознемирив и сѐ уште сум, вечна му слава на колегата и сочуство до семејството.
П.с. Меѓу другото, од овие причини сум реактивен кога нереализирани и искомплексирани бубалици со џуџест раст ми ја сатанизираат професијата, без два дена пракса. Бујрум, нека отворат канцеларија една година, ќе правиме муабет“, додава тој во својата објава.
Македонија
Маричиќ – Горчевиќ: Соработката на регионот и реализацијата на планот за раст за Западен Балкан е можност за забрзување на процесот на евроинтеграција
Првиот заменик-претседател на Владата за европски прашања, Бојан Маричиќ, се состана со министерката за европски прашања на Црна Гора, Маида Горчевиќ, на маргините на лидерскиот самит за планот за раст на Западен Балкан во Котор.
На средбата се говореше за значењето на соработката на регионот и успешна имплементација на планот за раст за Западен Балкан од Европската комисија.
Планот за раст е конкретна стратегија за социоекономски развој на регионот, соработка и доближување на земјите од Западен Балкан.
Исполнувањето на обврските усогласени со Европската Унија ќе значи значителен развој, прогрес и просперитет на државата и регионот.
Маричиќ се заблагодари за успешната и плодна соработка за спроведување на регионалната соработка и одличните релации помеѓу нашите две држави.
Со цел успешно имплементирање на планот за раст потребно е државите упорно да продолжат да работат во соработка со Европската комисија, со цел постигнување на стратешката цел за пристапување во ЕУ на Северна Македонија и земјите од регионот.