Вечерва на полноќ завршува 20-дневната кампања за вториот круг од претседателските и парламентарните избори и со тоа започнува изборниот молк кој ќе трае до крајот на гласачкиот процес на 8 мај, во 19:00 часот. Во меѓувреме, утре ќе гласаат болните, затворениците и луѓето во домовите за стари лица.
Граѓаните, според соопштението на ДИК, на изборите на 8 мај ќе имаат можност во исто време да гласаат за претседателските и парламентарните избори. Според процедурата, граѓанинот ќе биде прашан од Општинската изборна комисија дали ќе гласа за двете избори, односно парламентарните и претседателските, или само за едните. Ако граѓанинот се изјасни дека сака да гласа само за една едни избори, нема да му биде дозволено да се врати во текот на денот за да гласа за другите избори за кои се изјаснил дека не сака да гласа.
Според ДИК, 1.078 набљудувачи од земјава и 770 странци ќе го следат изборниот ден. Според податоците, најмногу набљудувачи од земјава ќе има Здружението за развој на иновативни социјални иновации „Разбуди се“ Скопје, со вкупно 752 набљудувачи. Од друга страна, од странските организации, ОБСЕ/ОДИХР има акредитирано вкупно 410 набљудувачи, 14 експерти и 31 преведувач.
Ова се седми претседателски и 15 парламентарни избори од независноста на земјата, додека право на глас имаат вкупно 1.815.350 граѓани.
Во вториот круг од претседателските избори граѓаните ќе треба да изберат нов шеф на државата меѓу кандидатот на ВМРО-ДПМНЕ Гордана Силјановска-Давкова и Стево Пендаровски.
На парламентарните избори граѓаните избераат 120 пратеници во македонското Собрание, според пропорционалниот модел на 6 изборни единици. Вкупно учествуваат 17 партии и коалиции./Алсат.мк
Суад Бајрами
