Neuralink, медицинската технолошка компанија на Elon Musk, успешно вгради мозочен имплант во човечко тело, што е прв таков зафат за компанијата.
Elon Musk во понеделникот на платформата X објави дека пациентот добро закрепнува по неделната процедура. Musk ги истакна ветувачките резултати во откривањето на нервните шила за време на првите тестови.
Овој имплант на Neuralink е дизајниран со цел да им овозможи на луѓето да ги контролираат своите паметни телефони и други технолошки уреди со помо на своите мисли.
Во мај тие одобриле клиничко испитување на овој имплант на луѓе, по претходните тестови на мајмуни. Се состои од 1024 електроди кои роботот ги поврзува со мозокот со помош на игла.
За клиничкото испитување, Neuralink барал пациенти со тетраплегија, што значи парализа на нозете и рацете. Кога пациентите ќе се придвижат, одредена област на мозокот станува активна. Musk на X објасни дека целта е човек да ги контролира уредите со своите мисли, а потоа заклучил:
„Кога Stephen Hawking би ја имал оваа опција, тогаш не би морал да пишува, а тоа е нашата цел.“
Тој тврди дека лицето добро закрепнува
Електродите ги примаат овие сигнали, дозволувајќи им на пациентите да замислат движење кое би го контролирало курсорот на компјутерот. И покрај успешните операции, може да бидат потребни месеци за пациентите да ја совладаат способноста да контролираат компјутер преку мисли. Планирано е клиничкото испитување на Neuralink да трае шест години, пишува BBC.
Истражувањето за поврзаноста помеѓу мозокот и компјутерот трае веќе со години, со различни импланти веќе вградени кај луѓето. Neuralink се натпреварува со неколку други компании кои исто така развиваат слична технологија за комерцијална употреба.
Поточно, Precision Neuroscience развива имплант со 1.024 електроди, планирајќи минимално инвазивна врска со мозокот. Synchron, друг конкурент, користи 16 електроди и го насочува својот систем низ крвните садови за да стигне до одредени области на мозокот.
